Аса мәртебелі Елбасы!

Құрметті съезд делегаттары, жолдастар!

Ең алдымен, бүгін маған зор сенім артып, «Nur Otan» партиясы атынан Қазақстан Президенттігіне үміткер етіп ұсынған Елбасыға шын жүректен алғыс айтамын!

Мемлекетіміздің негізін қалаған ұлы тұлғаның маған арфтқан жауапкершілік жүгін бүкіл болмысыммен сезінемін!

Сондықтан, сенімге серт беріп, үлкен үміттің үдесінен шығу үшін бар қажыр-қайратымды жұмсаймын!

Партия төрағасы, Елбасы 19 (он тоғызыншы) наурыз күні өзінің тарихи Үндеуінде: «Тәуелсіз Қазақстанымызды, ортақ Отанымызды, мәңгілік елімізді сақтай біліңдер» деді!

Әрбір қазақстандықтың жүрегіне жол тапқан бұл сөздер менің де бойтұмардай бұлжымас ұстанымым болады.

Қазіргі аумалы-төкпелі заманда құбыламыздан жаңылмау үшін біздің бағытымыз айқын!

Байтақ елімізді бекемдеп, болашағымыздың бағдарын бекітіп берген Елбасы аманаты бізді биік белестерге жетелейді.

Кешегіні ұмытпай, келешекті ұлықтау –киелі Тәуелсіздік алдындағы басты парызымыз!

Біз осы бақты бағалай білсек қана асқар асуларды бағындыра аламыз!

Елбасы Нұрсұлтан Әбішұлы Назарбаев іргесі берік, өзегі мықты, қуатты мемлекет құрды.

Кеңес Одағының құрсауынан шыққан Қазақстан күллі әлем мойындаған беделді елге және бейбітшілік белдеуіне айналды.

Тұрақтылықтың, татулықтың, тұтастықтың арқасында тәуелсіздігіміз тұғырлы болды!

Елінің ертеңін ойлаған Елбасы Есілдің бойына жаңа Елордамызды орнатты.

Бүгінде Нұр-Сұлтан қаласы дүние жүзі өкілдерінің басын қосып, ауқымды мәселелерді талқыға салатын жаһандық орталықтардың бірі ретінде қалыптасты.

Рухани бай мұраларымыз зерделі ұрпақтың зейінін ашып, көне тарихты қайта жаңғыртты.

Осының бәрі теңдессіз тұлғаның тегеурінді істері арқылы жүзеге асқанын дана халқымыз жақсы біледі!

Сондықтан, Тұңғыш Президентіміздің жеңісті, жемісті жолын жалғастыруды мен аса мәртебелі міндет әрі қасиетті парыз деп санаймын!

Елбасымыз айқындаған стратегиялық бағыт әрқашан біздің айнымас бағдарымыз, адастырмас темірқазығымыз болады!

Уважаемые однопартийцы, товарищи!

Я пойду на выборы, чтобы продолжить стратегический курс Первого Президента – Елбасы на всестороннее развитие нашей страны.

Свою задачу вижу в обеспечении преемственности политики нашего Лидера.

За годы Независимости Казахстан под руководством Елбасы совершил уникальный в истории прорыв от бедности и хаоса к стабильности и процветанию. Именно Первый Президент, Лидер нашей партии обеспечил мир, спокойствие, национальное единство и общественное согласие.

Казахстан, которому мировые политики и эксперты прочили распад и разруху, уверенно вошел в категорию конкурентоспособных стран мира.

Благодаря воле и лидерству Елбасы мы создали новое государство, построили новую столицу, заслуженно названную в честь ее основателя и главного архитектора. Наконец, наш Лидер создал качественно новую нацию, нацеленную на успех в модернизации всего государства.

Наш народ объединен идеей дальнейшего продвижения вперёд на основе развитой экономики, эффективной социальной политики, духовной модернизации.

Мы будем твёрдо и последовательно проводить этот курс нашего Лидера.

Прежде всего, мы продолжим реализацию Пяти институциональных реформ и Плана нации, других стратегических документов, разработанных Елбасы.

Наша партия будет настойчиво и эффективно осуществлять курс Елбасы на достижение социальной справедливости, прогресса и развития.

Третья модернизация, автором которой является наш лидер, обеспечит динамичное развитие страны во всех сферах, будь это технологии, индустрия, образование или бизнес и социальное обеспечение.

19 марта 2019 года Елбасы – Первый Президент Нурсултан Абишевич Назарбаев открыл новую главу в истории нашего государства. Своим решением он снискал еще большее уважение всего мирового сообщества. По сути, наш Лидер явил миру политическую инновацию, ставшую предметом пристального наблюдения и изучения со стороны многих политиков и экспертов.

Нурсултан Абишевич Назарбаев – политик глобального масштаба и таковым остается в мировой истории.

Предстоящие выборы дадут новый импульс прямому, плодотворному диалогу между властью и обществом, в целом – политической модернизации Казахстана.

Уверен, Партия «Нұр Отан» будет продолжать вносить свой существенный вклад в укрепление единства нашего многонационального общества, поведет за собой весь народ к благой цели развития Казахстана.

Елбасы дал нам видение будущего Казахстана. Он разработал Стратегию развития нашего государства.

Осталось только воплотить ее в жизнь.

Со своей стороны заверяю, что буду упорно и честно трудиться, верно служить интересам нашего государства и народа.

Аса құрметті Елбасы!

Қадірлі қауым!

Тарихтың жаңа тарауын бастаған Егемен еліміз тағы бір маңызды кезеңнің алдында тұр.

Елбасының парасатты пайымы ел жылнамасында жасампаздықтың жарқын парағын ашты.

Осындай аса жауапты сәтте Елбасының сенімі, партияның қолдауы маған ерекше күш-қуат береді!

Мен дәстүр сабақтастығын сақтай отырып, игілік және әділет жолын ту етіп, қарқынды дамуды жалғастыруға бар күшімді саламын!

Баршаңызға рақмет!

www.primeminister.kz

2019 жылғы 25 сәуірде Мәскеу қаласында ҚР Премьер-Министрі Асқар Мамин мен РФ Үкіметінің Төрағасы Дмитрий Медведевтің кездесуі өтеді.

Тараптар кездесу барысында сауда-экономикалық, транзиттік-көлік, отын-энергетика, ғарыш салаларындағы ынтымақтастықты одан әрі нығайту және кеңейту мәселелерін талқылайды. Аймақаралық және шекара маңы ынтымақтастығын дамыту келешегін қарау көзделген.

ҚР және РФ Үкіметтерінің басшыларының кездесуі шағын және кеңейтілген құрамдарда өтеді.

www.primeminister.kz

Үкіметтің кезекті отырысында ҚР экономикасына шетелдік инвестициялар тарту мәселелері қаралды. Қызықты сауалдарға жауап беру кулуарларда жалғасын тапты, ал отырыс тақырыбын талқылау баспасөз орталығы алаңында аяқталды, мұнда БАҚ өкілдерінің сауалдарына ҚР Премьер-Министрінің бірінші орынбасары – қаржы министрі Ə. Смайылов, АХҚО басқарушысы Қ. Келімбетов, ҚШИКҚ басқарма төрағасы А. Прейманис жауап берді.

ҚР Премьер-Министрінің бірінші орынбасары – қаржы министрі Ə. Смайылов, ҚР сыртқы істер министрі Б. Атамқұлов, ҚР әділет министрі М. Бекетаев, «Астана» халықаралық қаржы орталығының басқарушысы Қ. Келімбетов, Қазақстанның шетелдік инвесторлар кеңесі қауымдастығының басқарма төрағасы А. Прейманис инвестициялар тарту жөніндегі жұмысты жетілдірудің жаңа тәсілдері туралы баяндады.

Сондай-ақ өңірлерде атқарылып жатқан жұмыстар туралы Шығыс Қазақстан облысының әкімі Д. Ахметов, Алматы қ. әкімі — Б. Байбек, Нұр-Сұлтан қ. әкімі — Б. Сұлтанов баяндады.

Талқылау қорытындысы бойынша ҚР Премьер-Министрі А. Мамин экономика өсімінің тұрақты қарқынын қамтамасыз аясында тікелей шетелдік инвестициялар негізгі драйверге айналуы тиісекернін атап өтті. 2018 жылдың қорытындысы бойынша ҚР-ға тікелей шетелдік инвестициялардың жалпы ағыны 15,8% өсіп, $22,4 млрд құрады.

Инвестициялық ахуалды одан әрі жақсарту және инвестициялар тарту жұмыстарын жетілдіру мақсатында ҚР Үкіметі жаңа тәсілдерді қабылдады. ҚР Премьер-Министрінің төрағалығымен Инвестициялар тарту мәселелері жөніндегі үйлестіру кеңесі құрылды. Инвестициялар тарту мәселесі бойынша барлық жауапты шешімдер Үйлестіру кеңесінің қарауына шығарылатын болады. Кеңестің бірінші отырысы биыл мамыр айында өтеді.

Инвестициялық жобаларды іске асыруға және инвесторлардың құқықтарын қорғауға қатысты мәселелерді шешу үшін инвестициялық омбудсмен функциялары ҚР Премьер-Министріне жүктелді.

«Астана» халықаралық қаржы орталығы, өз кезегінде, инвестициялар тартудың аймақтық орталығына айналуы тиіс. АХҚО қызметін қамтамасыз ету үшін ерекше құқықтық режим белгіленген: Конституциялық заң қабылданған, инвесторлардың қызметі ағылшын құқығымен реттеледі. Инвестициялар ағымын арттыру үшін АХҚО алаңында инвесторлармен жұмыс жүргізетін бірыңғай экожүйе құрылады, бұл жүйеге барлық даму институттары кіретін болады және «бір терезе» қағидасы аясында жұмыс жасайды.

«Шетелдік инвестицияларды тарту экономиканың дамуына жол ашып, халықтың тұрмыс сапасына қатысты мәселені шешуге, жаңа жұмыс орындарын ашуға және әлеуметтік мәселелерді шешуге мүмкіндік беретінін нақты түсінуіміз керек. Әкімдіктер инвесторлармен жұмыстарды өзгертіп, инвестициялар тартудың жаңа алгортиміне қосылуы қажет. Бұл жұмыс айқын үйлестіруді және жоғары оперативтілікті талап етеді. Сондықтан барлығына қойылған міндеттерді шешу үшін жұмылу керек», — деді ҚР Премьер-Министрі А. Мамин.

Үкімет кулуарында журналистердің Қордай маңында болған жол апатынан зардап шеккендердің жағдайлары туралы сұрақтарына Жамбыл облысының әкімі А. Мырзахметов жауап берді. Еске салайық, 20 сәуір күні Жамбыл облысының Қордай ауданында ірі жол апаты орын алды.

«Өздеріңізге белгілі, 11 адам көз жұмды. 31 адамнан қазіргі күні ауруханада 9 адам жатыр, оның 3-уі жансақтау бөлімінде. Дәрігерлер олардың жай-күйін ауыр, бірақ тұрақты деп бағалап отыр. Жансақтау бөлімінде жатқан үшеудің біреуі Өзбекстан азаматы. 6 адам аурухананың түрлі бөлімдерінде ем алуда. 6 адамнан 2-уі Өзбекстан азаматтары, қалғаны - біздің елдің азаматтары», — деді А. Мырзахметов.

Ішкі істер министрі Е. Тұрғымбаев Алматыдағы марафонда адамдардың ұсталуына қатысты түсінік берді.

«Алдын-ала жоспарланған спорттық шара өтіп жатқан болатын. Оған 17 мың спортшы қатысып жатқан сәттер екі адам шығып плакаттар іліп жүрді. Плакаттар шараның өткізілуіне кедергі жасады. Адамдар тоқтап, бейне және фототүсірілім жасап, солайша, марафонның өтуіне кедергі келтірді…», — деді Е. Тұрғымбаев.

Премьер-министрдің Бірінші орынбасары – қаржы министрі Ә. Смайылов журналистердің Нұр-Сұлтан қаласында жеңілрельсті көлік (LRT) құрылысы жобасына қатысты сұрақтарына жауап берді.

«Нұр-Сұлтан қаласында жеңілрельсті жобаны салуға келсек, бұл құрылыс жалғасуы тиіс. Бұл инфрақұрылымдық жоба іске асырылатын болады. Қазір Қытайдың Мемлекеттік даму банкімен келіссөздер жүргізіліп жатыр. Біз осы займды қайта қаржыландыру туралы келісетін шығармыз, яғни ел ішінен осы жобаны қаржыландыру көздері табылатын болады. Онда Мемлекеттік даму банкінің тарапынан қиындықтар туындаған соң, бұл мәселе Нұр-Сұлтан қаласының әкімдігіне қатысты болады. Біз басқа қаржы көздерінен қайта қаржыландыру жолдарын табамыз», — деді Ә. Смайылов.

Үкімет отырысының қорытындысы бойынша баспасөз конференциясында «Хабар» арнасының тілшісі Ә. Смайыловтан «KAZAKH INVEST» АҚ-ның АХҚО басқаруына берілу себептері туралы сұрады.

Ә. Смайылов атап өткендей, жағдайды таразылаған кезде, инвестициялар тартуға қатысты жұмыс жасауда мемлекеттік органдар, әкімдіктер, ұлттық компаниялар арасында үйлестірудің жоқтығы байқалған.

«Жұмыс тобы аясында аталған мәселелерді зерделеп, Үкіметтің тиісті Қаулысын қабылдадық, оған сәйкес АХҚО базасында инвестициялық хаб құрылып жатыр. АХҚО-да барынша қолайлы атмосфера жасалған. Жұмсақ инфрақұрылым құрылған, экспат-орталығы қызмет көрсетеді, онда шетелдік инвесторларға ағылшын тілінде тіркеу, салық есебін қабылдау, жобалар бойынша көмектесу, қаржыландыру бойынша барлық қызмет түрлері ұсынылады», — деді ол.

Ә. Смайыловтың айтуынша, мұнда инвесторларға барынша қолайлы орта жасалған, олар өздеріне қажетті қызметті ала алады. Бұдан өзге, АХҚО аумағында Халықаралық сот, арбитраж орталығы орналасқан, яғни дәл осы АХҚО инфрақұрылымында осындай инвестициялық хаб құруға жағдай жасалған.

«Қазақпарат» ХАА тілшісі өз сауалын «Астана» Халықаралық қаржы орталығының басқарушысы Қ. Келімбетовке жолдады, бұл сұрақ АХҚО базасында дәл қазір инвестициялық хабты құру қажеттілігі туралы болды.

Қ. Келімбетовтің айтуынша, бүгінде АХҚО Еуразия аймағындағы елдермен, барлық әлемдік нарықтармен бәсекеге түсе алады. Тіпті посткеңестік кеңістікте үлкен бәсекелестік бар, сондықтан Қазақстанға озық шешімдер қабылдау аса маңызды.

«Бүгінде Қазақстанның ауқымды артықшылықтары бар, себебі біз посткеңестік кеңістіктегі ағылшындық жалпы құқық қағидаттарында жұмыс істейтін экожүйені құрған бірден-бір елміз. Елбасы тапсырмасы бойынша ол үшін Конституцияға өзгерістер енгізілді. Мұның бәрі бізге инвестициялар тарту процесін жылдамдатуға мүмкіндік береді», — деді АХҚО басқарушысы.

Қ. Келімбетов бұл мақсаттарға ешқандай қосымша бюджет қаражаты қажет емес екенін және қарастырылмағанын атап айтты. Керісінше, барлық үйлестіру институттарының бұл тығыз өзара іс-қимылы белгілі бір бюджет шығындарын оңтайландыруға әкеледі, бұл экономикаға ықпал етеді.

Қазақстанның шетелдік инвесторлар кеңесі қауымдастығының басқарма төрағасы А. Прейманис баспасөз конференциясының модераторының сұрақтарына жауап бере отырып, ҚР Премьер-Министрінің төрағалығымен Шетелдік инвестицияларды тарту жөніндегі үйлестіру кеңесі өте маңызды оқиға екенін, келешекте ол ірі инвесторлар үшін маңызды стратегиялық және тактикалық мәселелер шешілетін алаңға айналатынын айтты.

АХҚО құрылымын шетелдік инвесторлар үшін Қазақстанның тартымдылығын арттыру мақсатында пайдалану - дұрыс әрі логикалық шешім.

«ЕҚҚДБ бірінші күннен бастап АХҚО барлық бастамаларын қолдайды, үздік стандарттарды енгізу бойынша көптеген бірлескен жұмыстар атқарылды, ағылшын құқығы бойынша жұмыс істейтін қаржылық және сот инфрақұрылымы құрылды. Жаңа инвесторларға елімізге кіру бұрынғыдан да қолайлырақ болады, себебі ол ағылшын құқығымен жұмыс істейді», — деді А. Прейманис.  

www.primeminister.kz

ҚР Үкіметі отырысының қорытындысы бойынша өткен баспасөз конференциясында Қазақстандағы инвесторлардың қызметі, іскерлік орта және инвестициялық ахуалды дамыту туралы ҚР-дағы «Еуропа қайта құру және даму банкі» өкілдігінің басшысы, Қазақстанның шетелдік инвесторлар кеңесі қауымдастығының басқарма төрағасы Агрис Прейманис айтып берді.

Ол тәуелсіздік жылдарында Қазақстанда шетелдік инвестицияларды тарту бойынша ауқымды жұмыстар атқарылғанын атап өтті.

Сонымен бірге, әлемде тікелей шетелдік инвестицияларға бәсекелестік артып келеді.

«Осы тұрғыдан біз шетелдік инвестицияларды тарту жүйесіндегі ұсынылған жаңа тәсілдерге қуаныштымыз және бірнеше элементтерге көңіл бөлгім келеді», — деді А. Прейманис.

Оның пікірінше, ҚР Премьер-Министрінің төрағалығымен Шетелдік инвестицияларды тарту жөніндегі үйлестіру кеңесі өте маңызды. Келешекте ол ірі инвесторлар үшін маңызды стратегиялық және тактикалық мәселелер шешілетін алаңға айналады.

Сарапшы Астана халықаралық қаржы орталығының құрылымын шетелдік инвесторлар үшін Қазақстанның тартымдылығын арттыру мақсатында пайдалану дұрыс әрі логикалық шешім екенін атап өтті.

«ЕҚҚДБ бірінші күннен бастап АХҚО барлық бастамаларын қолдайды, үздік стандарттарды енгізу бойынша көптеген бірлескен жұмыстар атқарылды, ағылшын құқығы бойынша жұмыс істейтін қаржылық және сот инфрақұрылымы құрылды. Жаңа инвесторларға елімізге кіру бұрынғыдан да қолайлырақ болады, себебі ол ағылшын құқығымен жұмыс істейді», — деді А. Прейманис.  

Инвестициялардың басым бөлігі республиканың өңірлеріне келетінін ескере отырып, өңірлердің инвестицияларды тартудың жаңа құрылымына қатысуы қарастырылған, бұл олардың алдында тұрған сын-тегеуріндерді орталықтандырылған түрде шешуге және бірте-бірте жергілікті жерлерге (әкімдіктерде, «Қазақинвест» АҚ жергілікті өкілдіктерінде) тиімді өзара іс-қимыл орнату үшін инвесторлармен жұмыстың қажетті дағдыларын меңгеруге жол ашады.

А. Прейманис ЕҚҚДБ аталған ұсыныстарды қолдайтынын және өз тарапынан инвестициялар тарту жүйесінде жаңа тәсілдердің регламентін әзірлеуге белсенді түрде қатысатынын айтты.

www.primeminister.kz

Бүгін Үкіметтің баспасөз орталығында өткен баспасөз конференциясы барысында «Астана» халықаралық қаржы орталығының басқарушысы Қайрат Келімбетов АХҚО базасында инвестициялық хабты құруға ықпал еткен алғышарттар туралы айтып берді.

АХҚО Қазақстанға инвестициялар тарту және еліміздің инвестициялық имиджін ілгерлету бойынша жұмыстарды үйлестіретін бірыңғай орталық ретінде айқындалды. Ол аймақтық инвестициялық хабқа айналады.

«Бұл мақсаттарға ешқандай қосымша бюджет қаражаты қажет емес және қарастырылмаған», — деді «Астана» халықаралық қаржы орталығының басқарушысы Қ. Келімбетов.

Оның айтуынша, керісінше, барлық үйлестіру институттарының бұл тығыз өзара іс-қимылы белгілі бір бюджет шығындарын оңтайландыруға әкеледі, бұл экономикаға ықпал етеді.

«Үкіметтің арнайы Жол картасын бекіту туралы шешімі қабылданып жатыр, ол бірқатар шараларды қарастырады: бұл заңнамалық актілерге белгілі бір түзетулер енгізу, халықаралық қаржы орталықтарымен көліктік байланысу және инфрақұрылым мәселелері, салықтық оңтайландыру мәселелері. Қазір түрлі салаларда жеңілдіктер өте көп. Қабылданған шешімнен ең үлкен тиімділік – бұл барлық қаржы институттарының бірлескен жұмысы», — деді Қ. Келімбетов.

Бүгінде АХҚО Еуразия аймағындағы елдермен, барлық әлемдік нарықтармен бәсекеге түсе алады.

«Қазіргі таңда инвестициялар дамыған елдерде қалып отыр, дамушы елдерде олар аз. Тіпті посткеңестік кеңістікте үлкен бәсекелестік бар, сондықтан бізге озық шешімдер қабылдау аса маңызды. Бүгінде Қазақстанның ауқымды артықшылықтары бар, себебі біз посткеңестік кеңістіктегі ағылшындық жалпы құқық қағидаттарында жұмыс істейтін экожүйені құрған бірден-бір елміз. Елбасы тапсырмасы бойынша ол үшін Конституцияға өзгерістер енгізілді. Мұның бәрі бізге инвестициялар тарту процесін жылдамдатуға мүмкіндік береді», — деді АХҚО басқарушысы.

Қ. Келімбетов АХҚО құру кезінде заңманалық тұрғыдан жаңа экожүйені құру аса маңызды болғанын атап айтты, себебі, әлемдік инвесторлар үшін ағылшындық жалпы құқық қағидаттары өте маңызды әрі таныс.

«2016 жылдан 2018 жыл аралығында дайындық жұмыстары жүргізіліп, барлық институттар құрылды. Бұл АХҚО соты және халықаралық төрелік орталығы. АХҚО-да ағылшындық жалпы құқық қағидаттарын басшылыққа алатын реттеуші жұмыс істейді, ол қаржылық шетелдік институттардың жұмысын бағалай алады және ең бастысы – Орталықтың қажетті қаржылық инфрақұрылымы бар. Елбасы тапсырмасы бойынша бастапқы капиталы $1 млрд болатын тікелей шетелдік инвестициялар қорын құру туралы шешім қабылданды. Мұндай қор АХҚО платформасында құрылып, онда биржа іске қосылды», — деді Қ. Келімбетов.

Қаржы орталығының басқарушысы өткен аптада алғашқы шетелдік эмитент листингі — ресейлік «Полиметалл» компаниясы айқындалғанын айтты. Компания 10 жылдан астам уақыттан бері Қазақстанда – Қостанай және Шығыс Қазақстан облыстарында жұмыс істеп келеді, 2 мыңнан аса жұмыс орнын құрған.

«Бұл компания өзінің акцияларын орналастырды, бұл ең алғашқысы, көптеген инвесторлар үшін инвестициялық әлеуетке және халықаралық қаржы орталығының құзыретіне деген сенім белгісі болады деп ойлаймыз», — деп түйіндеді Қ. Келімбетов.  

www.primeminister.kz

Бүгін Үкімет отырысының қорытындысы бойынша өткен баспасөз конференциясында ҚР Премьер-Министрінің Бірінші орыбасары – қаржы министрі Ә. Смайылов «Kazakh Invest» АҚ-ны «Астана» халықаралық қаржы орталығына берудің инвестициялар тарту бойынша ағымдағы жұмыстарға қалай ықпал ететінін айтып берді.

Ә. Смайылов атап өткендей, Үкімет алдында орташа мерзімді перспективада экономика өсімін жылына 5% деңгейінде қамтамасыз ету міндеті тұр. Бұл тиісінше ел экономикасына тікелей шетелдік инвестициялар ағымының жоғарырақ қарқынын талап етеді. Сондықтан аталған бағытта жұмыстарды күшейту бойынша қажетті қосымша шаралар қабылданды.

«Атап айтқанда, біз жағдайды таразылаған кезде, инвестициялар тартуға қатысты жұмыс жасауда мемлекеттік органдар, әкімдіктер, ұлттық компаниялар арасында үйлестірудің жоқтығын аңғардық. Сондай-ақ инвесторларға қолайлы халықаралық стандарттарға сәйкес форматта ұғынықты болуда жобалардың да олқылығы болды. Жұмыс тобы аясында аталған мәселелерді зерделеп, Үкіметтің тиісті Қаулысын қабылдадық, оған сәйкес АХҚО базасында инвестициялық хаб құрылып жатыр», — деді Ә. Смайлов.

Сонымен қатар ҚР Премьер-Министрінің Бірінші орынбасары хабтың неліктен АХҚО базасында құрылатынын түсіндіріп берді.

«Себебі мұнда барынша қолайлы атмосфера жасалған. Жұмсақ инфрақұрылым құрылған, экспат-орталығы қызмет көрсетеді, онда шетелдік инвесторларға ағылшын тілінде тіркеу, салық есебін қабылдау, жобалар бойынша көмектесу, қаржыландыру бойынша барлық қызмет түрлері ұсынылады», — деп түсіндірді ол.  

Ә. Смайыловтың айтуынша, мұнда инвесторларға барынша қолайлы орта жасалған, олар өздеріне қажетті қызметті ала алады. Бұдан өзге, АХҚО аумағында ағылшын құқығы жүреді. Мұнда Халықаралық сот, арбитраж орталығы орналасқан, яғни дәл осы АХҚО инфрақұрылымында осындай инвестициялық хаб құруға жағдай жасалған.

«Президент негізгі капиталға инвестициялар үлесін ЖІӨ 30% дейін жеткізу міндетін қойды. Бүгінде бұл 19% деңгейінде. Сондықтан да орташа мерзімді келешекте аталған мақсатты көрсеткішке қол жеткізуді көздеп отырмыз», — деп түйіндеді Ә. Смайылов.

www.primeminister.kz

Бүгін ҚР Премьер-Министрі А. Маминнің төрағалығымен өткен Үкімет отырысында еліміздің экономикасына инвестициялар тарту мәселелері қаралды. ҚР Премьер-Министрінің бірінші орынбасары – қаржы министрі Ə. Смайылов, ҚР сыртқы істер министрі Б. Атамқұлов және АХҚО басқарушысы Қ. Келімбетов атқарылып жатқан жұмыстар туралы баяндады.

ҚР Премьер-Министрінің бірінші орынбасары – қаржы министрі Ə. Смайылов ҚР Тұңғыш Президенті – Елбасының 30% жоғары деңгейде ЖӨҚ және негізгі капиталға инвестициялар тарту, инвестициялар тарту жөніндегі кешенді экожүйені құру туралы тапсырмаларын орындау еліміздің Үкіметі үшін аса маңызды міндет екенін атап өтті. Сонымен қатар, бүгінде инвестициялар тартудың тиімді тетіктерін құрып, аталған саладағы барлық инфрақұрылымды қайта қарау қажет.

Ә. Смайылов осыған байланысты ұсыныстар әзірлеу үшін арнайы жұмыс тобы құрылғанын айтты. Қолданыстағы тетіктерге егжей-тегжейлі талдау жүргізілді, проблемалар анықталды, ағымдағы қызметтің тиімсіздігінің себептері анықталды.

«Барлық мүдделі мемлекеттік органдар мен ұлттық компаниялардың қатысуымен жұмыс тобы инвестициялар тартудың жаңа тәсілін әзірледі. Тараптардың пікірлері ескеріліп, ортақ ұстаным қалыптасты. Жаңа архитектураның іргетасы ҚР Премьер-Министрінің төрағалығымен Инвестициялар тарту мәселелері жөніндегі үйлестіру кеңесі болады», — деді қаржы министрі.

Кеңес құрамына ҚР Премьер-Министрінің орынбасарлары, басты министрліктердің бірінші басшылары, АХҚО, ұлттық басқарушы холдингтердің, «Атамекен» ҰКП, Қазақстандық инвесторлар кеңесі қауымдастығының басшылары, сондай-ақ, ҚР Жоғарғы сотының, ҚР бас прокуратурасының, ҚР ҰҚК басшылары кіреді.

АХҚО инвестициялар тарту және Қазақстан Республикасының инвестициялық имиджін ілгерілету жөніндегі жұмысты үйлестірудің бірыңғай орталығы болып анықталады. Ол өңірлік инвестициялық хаб болады. Инвесторларға «бір терезе» қағидаты бойынша қызмет көрсету және инвестициялық жобалардың бірыңғай пулын қалыптастыру орталықтандырылған болады. «Kazakh Invest» АҚ АХҚО әкімшілігіне сенімді басқаруға беріледі. Жобаларды қалыптастыру мен сүйемелдеудің бірыңғай ақпараттық жүйесі құрылады («Жобалар фабрикасы»). Заманауи цифрлық технологияларды енгізумен визалық және көші-қон режимін одан әрі ырықтандыру шаралары қабылданады. Нұр-Сұлтан қаласының халықаралық қаржы орталықтарымен тікелей әуе қатынастарының географиясын кеңейту көзделген.

Жоғарғы сотпен және Бас прокуратурамен бірлесіп, инвестициялық ахуалды одан әрі жақсарту, инвесторлардың құқықтарын қорғау және заң үстемдігін қамтамасыз ету ұсыныстары әзірленеді.

Жаңа архитектура аясында жобаларды ілгерлетуді төрт кезеңмен жүргізу жоспарланып отыр:

бірінші кезеңде Өңірлік инвестициялық хабтағы барлық әлеуетті инвестициялық жобаларды орталықтандырылған жинау жүргізіледі («Жобалар фабрикасы»).

екінші кезеңде АХҚО сарапшылары мен кеңесшілерін тартумен «Kazakh Invest» базасында жобаларға өңдеу және талдау жасау. Жобалар шетелдік инвесторлар үшін ұғынықты жүйеге келтіріледі.

үшінші кезең дайын болған жобаларды ілгерлетуді қарастырады, ол үшін АХҚО қолда бар арналары мен СІМ инфрақұрылымы пайдаланылады.

төртінші кезеңде АХҚО заңды инфрақұрылымын пайдаланумен Инвестициялық хаб базасында келісімшарттар жасалатын болады.

Сонымен қоса, Ә. Смайылов атап өткендей, бұл архитектура қысқа мерзім ішінде жүзеге асырылады. Жаңа архитектура таныстырылымын биылғы 16 мамырда Астана экономикалық форумы аясында өткізу көзделген.

«Ұсынылған шаралар инвесторлар үшін инвестициялық субсидиялар пакетін шоғырландырып, жедел құруға және таза тікелей инвестициялар көлемін арттыру бойынша кешенді жұмыстарды бастауға мүмкіндік береді. Үкіметтің алдағы отырыстарының бірінде жаңа тәсілдерді іске асырудың барлық қажетті шараларының толық тізімі мен тиісті Жол картасы қарастырылатын болады», — деді сөз соңында Ә. Смайылов.

Сыртқы істер министрі Б. Атамқұлов 2019 жылғы І тоқсанда атқарылған жұмыстар туралы баяндады. Мәселен, инвестициялар тарту бойынша кешенді экожүйе құру жұмыстары басталды. Әрбір салалық министрлікте, әкімдікте, ұлттық компанияларда инвестициялық жұмыстар мен экспорт үшін жеке жауап беретін бірінші басшылардың жауапты орынбасарлары анықталды.

Б. Атамқұлов дипломатиялық миссия басшыларына елде болудың нақты міндеттері мен тиімділік көрсеткіштері жеткізілгенін айтты. Инвестициялар тарту үшін 40 басымдықты ел анықталды. Негізгі назар АҚШ-қа, Германия мен Жапонияға аударылатын болады.

Сонымен қоса, инвесторларды барлық деңгейлерде қолдау үшін барлық мүдделі ұйымдармен өзара іс-қимыл процесін автоматтандыру бойынша жұмыстар белсене жүргізіліп жатыр. Бүгінгі таңда ҚР СІМ «Kazakh Invest» АҚ базасында жобалар мен инвесторларды онлайн режимде қолдау бойынша ақпараттық-мониторингтік жүйені (СRM) іске қосты. Бұл жүйе инвесторға инвестицияалды, инвестициялық және инвестициядан кейінгі кезеңдерде қолдау көрсететін болады. Осылайша, онлайн режимде әрбір инвестициялық жоба бойынша проблемалық мәселелерді дәлме-дәл анықтау мүмкіндігі туады. Қазіргі кезде Министрлік $40 млрд астам сомаға шетелдік қатысуымен, 41 мыңға жуық жұмыс орнын құрумен 174 жобаға мониторинг жүргізіп жатыр. Әрбір жоба бойынша Жол карталары әзірленіп, бекітілген.

Инвесторлар Шетелдік инвесторлар кеңесі, Инвестициялық ахуалды жақсарту жөніндегі кеңес, ЕВРОБАК (Қазақстанның Еуропалық бизнес қауымдастығы) тәрізді диалог алаңдарында заңның үстемдігі, теңге бағамының құбылмалылығы, инфрақұрылым жүргізу және жер телімдерін бөлу, салықтық құқық бұзушылықтарды декриминалдандыру, миграция мәселелерін бірнеше рет көтерген. Аталған барлық мәселелер бойынша ҚР СІМ тиісті Тұжырымдама мен заң жобасын әзірлеп, Ұлттық экономика министрлігіне жолдады.

Сонымен қатар, сыртқы істер министрі ҚР-дағы қолданыстағы заңнаманы аймақтық деңгейде өз позицияларын сақтау үшін қайта қарастыру және жаңғырту қажеттігін атап өтті.

«Біз “Астана” халықаралық қаржы орталығы аясында инвестициялар тарту бойынша экожүйелер құру туралы ұсыныстарды толық қолдаймыз», — деді Б. Атамқұлов.

«Астана» халықаралық қаржы орталығының басқарушысы Қ. Келімбетов өз баяндамасында АХҚО-ның Үйлестіру кеңесін және Аймақтық инвестициялық хаб құру жөніндегі Үкімет бастамаларын толық қолдайтынын айтты.

«Біз қалыптастырылып жатқан инвестициялық вертикаль шетелдік капиталмен жұмысты жаңа деңгейге шығарады деп санаймыз», — деді АХҚО басқарушысы.

АХҚО әкімшісі Үйлестіру кеңесінің жұмыс органына айналады, оның негізгі функциялары омбудсмен — ҚР Премьер-Министрі офисінің жұмысын ұйымдастыру, инвестициялық жобалар үшін құжаттар әзірлеу, қаржы стандарттары мен модельдерін дайындау болып табылады. АХҚО құзыреті ағылшындық құқық қағидаттарына негізделетін Қаржы нарығын реттеу комитетінен, АХҚО сотынан, Халықаралық төрелік орталығынан тұрады. Қаржылық инфрақұрылым Тікелей инвестициялар қоры мен АХҚО биржасын қамтиды.

Бұл вертикальдің маңызды бөлігі «Kazyna Capital Management» Даму банкі тәрізді қаржы институттарының қатысуы болады. Қ. Келімбетов атап өткендей, мұндай вертикальді аймақтық деңгейде де құруға болады.

Әділет министрі М. Бекетаев АХҚО ерекше құқықтық режимінің артықшылықтарына қатысты түсініктеме берді. Конституцияға сәйкес, Нұр-Сұлтан қаласында қаржы саласында ерекше құқықтық режим белгіленген. Сондай-ақ Конституциялық заң қабылданды. Халықаралық қаржы орталығы аумағындағы инвесторлардың қызметі ағылшын құқығымен реттеледі. Ресми тіл — ағылшын тілі. Қаржы орталығы аумағында тәуелсіз сот құрылды, онда сот әділдігін ағылшын судьялар жүзеге асырады.

«Аталған шаралардың барлығы меншік құқығын қорғауға және сот төрелігін тиімді іске асыруға кепілдік береді. Бұл экономиканың одан әрі өсуін тікелей инвестициялар салып және ірі жобаларды іске асыра қамтамасыз ететін шетелдік инвесторлар үшін маңызды белгі», — деді министр.

Қазақстанда инвесторлардың жұмысын қамтамасыз етуге қабілетті адами капитал қалыптасуда. Ағылшын тілін еркін меңгерген және үздік әлемдік университеттерде білім алған халықаралық деңгейдегі заңгерлер даярланды.

Сот әділдігін нығайту бойынша жүргізіліп жатқан жұмыстар халықаралық рейтингтерде көрініс табады. Халықаралық құқық үстемдігі индексінде Қазақстан 7 жыл ішінде 10 тармаққа өсім көрсетіп, 126 елдің ішінде 65-орында тұр.

«Инвесторлар Қазақстанның бизнес үшін тұрақты әрі жайлы жағдайларды қамтамасыз ететін сенімді серіктес екенін сезінуі тиіс. Мұндай басымдықты ҚР Тұңғыш Президенті – Елбасы белгіледі», — деп түйіндеді М. Бекетаев.

Өз кезегінде Қазақстанның шетелдік инвесторлар кеңесі қауымдастығының басқарма төрағасы А. Прейманис инвестициялар тартудың жаңа тәсілдері туралы пікірімен бөлісті. Оның айтуынша, Қазақстан тәуелсіздік алған уақыттан бері Шетелдік инвесторлар кеңесімен және халықаралық сарапшылармен тығыз жұмыс жасай отырып, көп жетістікке қол жеткізді, сондай-ақ, жаңа құрылым тікелей инвестициялардың ағынын ұлғайтуға қарқын береді.

«Біз жаңа тәсілдің регламенттерін пысықтауға, сондай-ақ келешекте жаңа құрылымда белсенді жұмыс істеуге дайынбыз, ол инвестицияларды тартуға ғана емес, экономикадағы жүйелік сын-тегеуріндерді жақсы түсінуге мүмкіндік береді», — деді А. Прейманис.

Бұдан өзге, отырыс барысында Шығыс Қазақстан облысының әкімі Д. Ахметов, Алматы қаласының әкімі Б. Байбек, Нұр-Сұлтан қаласының әкімі Б. Сұлтанов сөз сөйледі.

www.primeminister.kz

Бүгін ҚР Премьер-Министрі Асқар Маминнің төрағалығымен өткен Үкімет отырысында инвестициялар тарту жұмыстарын жетілдіру мәселелері қаралды.

ҚР Премьер-Министрінің бірінші орынбасары – қаржы министрі Ə. Смайылов, ҚР сыртқы істер министрі Б. Атамқұлов, ҚР әділет министрі М. Бекетаев, өңірлердің әкімдері инвестициялар тарту жөніндегі жұмысты жетілдірудің жаңа тәсілдері туралы баяндады. Мәселені қарау барысында «Астана» халықаралық қаржы орталығының басқарушысы Қ. Келімбетов, Қазақстанның шетелдік инвесторлар кеңесі қауымдастығының басқарма төрағасы А. Прейманис сөз сөйледі.

«ҚР Тұңғыш Президенті – Елбасы Нұрсұлтан Назарбаев экономика өсімінің тұрақты қарқынын қамтамасыз ету міндетін қойды, бұл негізгі капиталға ЖІӨ 30% деңгейіне дейін инвестициялар көлемін ұлғайтуды талап етеді. Тікелей шетелдік инвестициялар негізгі драйверге айналуы тиіс», — деді А. Мамин. 2018 жылдың қорытындысы бойынша ҚР-ға тікелей шетелдік инвестициялардың жалпы ағыны 15,8% өсіп, $22,4 млрд құрады.

Инвестициялық ахуалды одан әрі жақсарту және инвестициялар тарту жұмыстарын жетілдіру мақсатында ҚР Үкіметі жаңа тәсілдерді қабылдады. ҚР Премьер-Министрінің төрағалығымен Инвестициялар тарту мәселелері жөніндегі үйлестіру кеңесі құрылды. Инвестициялар тарту мәселесі бойынша барлық жауапты шешімдер Үйлестіру кеңесінің қарауына шығарылатын болады. Кеңестің бірінші отырысы биыл мамыр айында өтеді.

Инвестициялық жобаларды іске асыруға және инвесторлардың құқықтарын қорғауға қатысты мәселелерді шешу үшін инвестициялық омбудсмен функциялары ҚР Премьер-Министріне жүктелді.

«Астана» халықаралық қаржы орталығы, өз кезегінде, инвестициялар тартудың аймақтық орталығына айналуы тиіс. АХҚО қызметін қамтамасыз ету үшін ерекше құқықтық режим белгіленген: Конституциялық заң қабылданған, инвесторлардың қызметі ағылшын құқығымен реттеледі. Бүгінде инвесторларға қолайлы жағдайлар қарастырылған: тәуелсіз реттеу, сот пен Халықаралық арбитраждық орталық жұмысы әлемдік стандарттарға сай келеді және шетелдік инвесторлардың құқықтық жайлылығын қамтамасыз етеді; тәуелсіз қорлардың әлемдік басқарушы компанияларын тартуға жағдайлар жасалған.

Инвестициялар ағымын арттыру үшін АХҚО алаңында инвесторлармен жұмыс жүргізетін бірыңғай экожүйе құрылады, бұл жүйеге барлық даму институттары кіретін болады және «бір терезе» қағидасы аясында жұмыс жасайды.

«Шетелдік инвестицияларды тарту экономиканың дамуына жол ашып, халықтың тұрмыс сапасына қатысты мәселені шешуге, жаңа жұмыс орындарын ашуға және әлеуметтік мәселелерді шешуге мүмкіндік беретінін нақты түсінуіміз керек. Әкімдіктер инвесторлармен жұмыстарды өзгертіп, инвестициялар тартудың жаңа алгортиміне қосылуы қажет», — деді ҚР Премьер-Министрі А. Мамин. — Бұл жұмыс айқын үйлестіруді және жоғары оперативтілікті талап етеді. Сондықтан барлығына қойылған міндеттерді шешу үшін жұмылу керек».

www.primeminister.kz

21 сәуір күні Алматыда Hyundai Trans Kazakhstan зауытының алғашқы іргетасын қалау салтанатты шарасы өтті.

Оған ҚР индустрия және инфрақұрылымдық даму министрі Роман Скляр, Оңтүстік Кореяның сауда, өнеркәсіп және энергетика министрі Сон Юн Мо, Нyundai Мotor Сompany стратегия жөніндегі президенті Конг Ян Вун, Astana Group компаниясының президенті Нұрлан Смағұлов қатысты.

Зауытты ҚР Индустрия және инфрақұрылымдық даму министрлігінің және Алматы қаласының әкімдігінің қолдауымен Алматы қаласының индустриялық аймағы аумағында «Астана Моторс» компаниясы салатын болады.

ҚР индустрия және инфрақұрылымдық даму министрі Р. Скляр атап өткендей, бұл жоба елімізде автомобиль жасау индустриясы саласын дамытудағы стратегиялық маңызды қадам.

«Зауытта 700-ге жуық жаңа жұмыс орны ашылады, аталған кәсіпорынның өнімі ішкі нарыққа да, үшінші елдерге экспорттауға ба бағытталатын болады», — деп атап өтті Роман Скляр.

Кәсіпорынның қуаттылығы бірінші кезеңде 30 мың автокөлікті құрайды, ал екінші кезеңде жылына 45 мың автокөлікке дейін артады. Бұл қазақстандық нарықты сапалы әрі қолжетімді Hyundai маркалы жеңіл автомобильдермен молайтуға, сондай-ақ оларды ТМД елдеріне экспорттауға мүмкіндік береді. Жоба инвестициясының жалпы көлемі 25 миллиард теңгені құрайды. Өз қаражатынан бөлек коммерциялық шарттар бойынша займ қаражаты тартылатын болады.

Зауытта дәнекерлеу, бояу, құрастыру, пластикалық панельдерді өндіру цехтары және сапаны бақылау учаскесі болады. Кәсіпорын Оңтүстік Корея мен Жапония елдерінің жаңа технологиялық жабдықтарымен қамтамасыз етіледі. Зауытта Hyundai модельдік қатары жиналады. Бірінші кезеңде Accent модельдерінің толық циклін өндіру жолға қойылады, кейін Creta модельдерін өндіру желісін іске қосу жоспарлануда.

ЕАЭО елдерімен ынтымақтастық пен өнеркәсіптік кооперацияның арқасында құрастыруды шоғырландыру 50%-ға жетеді. Болашақта автокомпоненттер өндіретін зауыт салынады. Бұл Қазақстанда шоғырландыру деңгейін арттыруға мүмкіндік береді.

2019 жылдың соңына дейін өндірістік цехтар салу жоспарлануда, ал 2020 жылы зауыт конвейерінен бірінші автокөлік шығады.

Алматы қаласының әкімі Б. Байбек зауыт құрылысына барлық инфрақұрылымы бар 25 га жер бөлінгенін атап өтті. Қазіргі кезде Алатау ауданындағы Индустриалды аймақта 144 млрд теңгенің 39 жобасы жүзеге асырылып жатыр. Жапондық, неміс пен қытайлық, ресейлік капиталдардың қатысуымен 5 зауыт ашылды. Биыл инвестициялар көлемі 367 млрд теңгеге жуықтайтын тағы 4 кәсіпорын ашу жоспарланған, оның ішінде болат құбырларын шығаратын қазақстандық-қытайлық ірі «Asia Steel Pipe» зауыты бар.

www.primeminister.kz

Мемлекет басшысына Қаржы министрлігінің қызметіндегі негізгі мәселелер; бюджеттің орындалу барысы, салық және бюджет саясаты, мемлекеттік қарыздың жағдайы туралы мәліметтер берілді.

Қасым-Жомарт Тоқаев бюджеттік шығындарды оңтайландыру және мемлекеттік бюджетке түсімді көбейту қажеттігін айтты. Сондай-ақ, Президент кедендік және салықтық әкімшіліктің тиімдігілін арттыруды тапсырды.

Ә. Смайылов Мемлекет басшысына министрліктегі цифрландыру және өзге мемлекеттік органдардың ақпараттық жүйелермен байланысы бойынша атқарылып жатқан ауқымды жұмыстар туралы баяндады.

Кездесу соңында Қазақстан Президенті бірқатар нақты тапсырма берді.

www.primeminister.kz

Мұрағат

Сәуір
2019
ДсСсСрБсЖмСнЖк
1234567
891011121314
15161718192021
22232425262728
2930

Мемлекеттік орган басшыларының блог-тұғырнамасы

Өту