2017 жылдың 14-16 маусымында Астанада ҚР Премьер-Министрінің бірінші орынбасары А. Мамин мен Украина Премьер-Министрінің орынбасары - өңірлік даму, құрылыс және тұрғын үй-коммуналдық шаруашылығы министрі Г. Зубконың төрағалығымен экономикалық ынтымақтастық жөніндегі Бірлескен Мемлекетаралық Қазақстан-Украина комиссиясының XIII отырысы өтті.

Қазақстан мен Украинаның үкіметтік делегациялары екі елдің экономика, энергетика, көлік және логистика, АӨК, туризм, азаматтық авиация салаларындағы екіжақты сауда-экономикалық және инвестициялық серіктестікті одан әрі дамыту мәселелерін талқылады. 

Ағымдағы жылдың алғашқы 4 айында елдер арасындағы өзара сауда көлемі 2016 жылдың ұқсас кезеңімен салыстырғанда 37,3%-ға өсті және 486,3 млн долларды құрады. Осыған байланысты, ҚР Премьер-Министрінің бірінші орынбасары А. Мамин экономикалық ынтымақтастықты жандандыру қажеттігін баса айтты. Айтар болсақ, бүгінде Қазақстанда Украинаның қатысуымен 661 кәсіпорын жұмыс істейді.

«Сауда-экономикалық ынтымақтастықты одан әрі дамыту үшін экспорттық-импорттық операцияларды ұлғайтып, жеткізілетін тауарлар мен қызметтердің номенклатурасын кеңейту керек, сондай-ақ Қазақстан мен Украинаның кәсіпкерлері арасында тікелей байланысты орнату қажет», - деді ҚР Премьер-Министрінің бірінші орынбасары.

Қазақстан мен Украина арасындағы жүк ағынының артуы транзит пен логистика саласындағы ынтымақтастықтың тиімділігін айғақтайды. 2017 жылғы қаңтар-ақпан айларында Қазақстан мен Украина арасындағы экспорттық және импорттық жүк көлемі 186,6 мың тоннаны құрады, бұл 2016 жылғы деңгеймен салыстырғанда 15%-ға жоғары. Транскаспий халықаралық көлік бағдары дәлізін дамыту жұмысы жалғастырылып жатыр.

Экономикалық ынтымақтастық жөніндегі мемлекетаралық комиссия жұмысының қорытындысы бойынша А. Мамин мен Г. Зубко тиісті хаттамаға қол қойды.

www.primeminister.kz

Жарияланды: 16 маусым 2017

Мұрағат

Маусым
2017
ДсСсСрБсЖмСнЖк
1234
567891011
12131415161718
19202122232425
2627282930

Мемлекеттік орган басшыларының блог-тұғырнамасы

Өту