Қазақстан Республикасының Дін істері және азаматтық қоғам министрі Нұрлан Ермекбаев Еуразия еврей қауымдастығын қолдау ұлттық коалициясының төрағасы Даниэл Рубин бастаған делегацияны қабылдады.

Даниэл Рубин Еуразия еврей қауымдастығын қолдау ұлттық коалициясының қызметі мен алдағы жоспары туралы баяндады. Ол этносаралық және конфессияаралық келісімнің қазақстандық моделіне және зайырлылық қоғамды нығайту шараларына оң пікір білдірді.

Министр Нұрлан Ермекбаев өз сөзінде дін саласындағы мемлекеттік саясаттың негізгі бағыттары туралы айтып, діни радикализмге қарсы халықаралық қауымдастықтың бірлескен әрекетінің маңыздылығын атады.

Кездесуде Қазақстандағы еврейлер қауымдастығы заңды тіркеу негізінде жұмыс жүргізетіндігі және еліміздегі басқа діни бірлестіктермен қатар құқықтар мен бостандықтарға ие екендігі айтылды.

Кездесу қорытындысында тараптар діни радикализмге қарсы тұру және конфессияаралық келісімді нығайтуда халықаралық бірлескен іс-қимылдың қажеттігі жөнінде ортақ пікірге келді.

Анықтама: «Еуразия еврей қауымдастығын қолдау ұлттық коалициясы» – 1971 жылы АҚШ-та құрылған жетекші еврейлік коммерциялық емес құқыққорғаушы ұйым саналады. Оған 50 ұлттық ұйым мен 300-ден аса жергілікті еврей кеңестері мен қауымдастығы кіреді.

Бүгінгі таңда Қазақстанда 7 иудейлік діни бірлестік және 6 синагога жұмыс жасайды.

ҚР Дін істері және азаматтық қоғам министрлігінің Баспасөз қызметі

Жарияланды: 02 қараша 2017

Мұрағат

Қараша
2017
ДсСсСрБсЖмСнЖк
12345
6789101112
13141516171819
20212223242526
27282930

Мемлекеттік орган басшыларының блог-тұғырнамасы

Өту